მართვის ევროპული სკოლის (ESM-Tbilisi) ბაკალავრიატის დამთავრების შემდეგ, ბატონმა ბიძინამ სამუშაო კარიერა დაიწყო „საქართველოს აგრო-ბიზნეს ბანკში“ საკრედიტო ოფიცრის თანამდებობაზე. ამის შემდეგ ის 4 წლის განმავლობაში მუშაობდა ქართულ საბანკო სექტორში, ასევე ეკავა რა სხვადასხვა პოზიციები „ბანკ რესპუბლიკასა“ და „საქართველოს სახალხო ბანკში“. ამის შემდეგ ბატონმა ბიძინამ სწავლა გააგრძელა ცენტრალური ევროპის ბიზნეს-სკოლის (CEU Business School) ბიზნესის ადმინისტრირების მაგისტრატურაზე (MBA) და ასევე გაიარა მაგისტრატურის გაცვლითი პროგრამა იემ-ლიონში (EM-Lyon), საფრანგეთი. საქართველოში დაბრუნების შემდეგ ბატონი ბიძინა მუშაობდა „ვითიბი ბანკი ჯორჯიას“ სათავო ოფისში მთავარი კორპორატიული ბანკირისა და საიუველირო კომპანია “ზარაფხანას” ფინანსური დირექტორის თანამდებობებზე; ასევე, იგი იყო „საქართველოს უნივერსიტეტის“ ლექტორი სასწავლო და საქმიანი უნარ-ჩვევების კურსში. ბატონი ბიძინა „ნოვა ტექნოლოჯის“ გუნდს შეუერთდა 2010 წლის იანვრიდან.

საქართველოს ტექნიკური უნივერსიტეტის ინფორმაციის დამუშავებისა და მართვის კომპიუტერული სისტემების ფაკულტეტის დამთავრების შემდგომ, ბატონმა გრიგოლმა სამუშაო კარიერა დაიწყო „TI სერვისში“ ქსელის ადმინისტრატორის პოზიციაზე. ამის შემდეგ ბატონ გრიგოლს ეკავა მართვის საინფორმაციო სისტემების მენეჯერის თანამდებობა საქართველოს თამბაქოს წარმოების კომპანიაში, რის შემდეგაც გადავიდა „სტანდარტ ბანკში“ პროგრამისტის პოზიციაზე. ბატონ გრიგოლს „ნოვა ტექნოლოჯიში“ ტექნიკური დირექტორის თანამდებობა უკავია კომპანიის დაარსების დღიდან, ხოლო 2010 წლის ოქტომბრიდან იგი გახდა გენერალური დირექტორის მოადგილე. ბატონ გრიგოლს ჰყავს მეუღლე და ერთი შვილი.

მართვის ევროპული სკოლის (ESM-Tbilisi) ბაკალავრიატზე სწავლის პარალელურად, ბატონმა გიორგიმ სამუშაო კარიერა დაიწყო მიკროსაფინანსო ორგანიზაცია ”კონსტანტაში” საკრედიტო ოფიცრის პოზიციაზე. ამის შემდეგ ის გადავიდა მთავარი ბუღალტრის თანამდებობაზე „რადიო არტში“, სადაც მოგვიანებით გახდა ფინანსური დირექტორი. ამის შემდეგ ბატონი გიორგი გადავიდა მობაილ-ბანკინგის ფირმა „მპპს სოლუშენს ჯორჯიაში“ იგივე თანამდებობაზე. ბატონი გიორგი პაჭიკაშვილი „ნოვა ტექნოლოჯის“ გუნდს შეუერთდა 2009 წლის მარტიდან, ხოლო 2010 წლის თებერვლიდან მას უკავია კომპანიის ფინანსური დირექტორის თანამდებობა.

თბილისის სახელმწიფო უნივერსიტეტის საინჟინრო-ეკონომიკური ფაკულტეტის დამთავრების შემდეგ, ბატონმა კახაბერ ხუციბერიძემ სამუშაო კარიერა დაიწყო საქართველოს სოციალური უზრუნველყოფისა და სამედიცინო დაზღვევის ერთიან სახელმწიფო ფონდში საფინანსო ეკონომიკური დეპარტამენტის წამყვან სპეციალისტად. მოგვიანებით იგი გახდა ფონდის გენერალური დირექტორის თანაშემწე. ამის შემდეგ ბატონ კახაბერს ეკავა საზოგადოებასთან ურთიერთობის სამსახურის უფროსის თანამდებობა სამშენებლო-საინვესტიციო კომპანია ,,ლიბოში“. ბატონი კახაბერ ხუციბერიძე „ნოვა ტექნოლოჯის“ გუნდს შეუერთდა 2008 წლის ნოემბრიდან, ხოლო 2010 წლის ივლისიდან მას უკავია კომპანიის კომერციული დირექტორის თანამდებობა. ბატონ კახაბერს ჰყავს მეუღლე და ერთი შვილი.